ليه الحشرات بترجع تاني بعد الرش؟.. أخطاء بتضيع تأثير المبيدات

يعاني بعض المزارعين من عودة الحشرات بعد استخدام المبيدات، رغم الرش، وده بيكون نتيجة أخطاء في التطبيق أو سوء استخدام المادة الفعالة.

ويستعرض موقع “أرضك” الإخباري أبرز أسباب فشل المكافحة وكيفية تحقيق أفضل نتيجة من استخدام المبيدات.
 

عودة الحشرات بعد استخدام المبيدات:
 

-توقيت الرش

الرش في وقت حرارة عالية بيقلل من كفاءة المبيد، لأنه بيتبخر بسرعة قبل ما يأثر على الحشرة.

-الجرعة الخاطئة

تقليل الجرعة عن المطلوب بيخلي المبيد غير فعال، وزيادتها ممكن تضر النبات بدون فائدة إضافية.

-دورة حياة الحشرة

بعض الحشرات ليها مراحل حياة مختلفة، ولو الرش استهدف مرحلة واحدة بس، الحشرة ممكن ترجع تاني.

-تكرار نفس المبيد

استخدام نفس النوع لفترة طويلة بيخلي الحشرات تكتسب مقاومة ضده.

وأخيراً، فنجاح المكافحة مش في الرش بس، لكن في الطريقة والتوقيت وتنوع الحلول.