الري التنقيط ولا الغمر.. الفرق الحقيقي واختار الأنسب لظروف لأرضك

يحتار كثير من المزارعين بين استخدام الري بالتنقيط أو الري بالغمر، خاصة مع اختلاف التكلفة وطبيعة كل نظام، لكن الاختيار الصحيح لا يعتمد فقط على الإمكانيات، بل على نوع الأرض والمحصول وطريقة الإدارة.

ويستعرض موقع “أرضك” الإخباري مقارنة عملية بين نظامي الري بالتنقيط والغمر، لمساعدة المزارعين في اختيار الأنسب.

نظامي الري بالتنقيط والغمر:

-استهلاك المياه

الري بالتنقيط بيتميز بتوفير كبير في المياه لأنه بيوصلها مباشرة للجذور، بينما الغمر بيحتاج كميات أكبر وقد يحدث فيه فاقد كبير.

-كفاءة النبات

في التنقيط، النبات بياخد احتياجه بدقة، وده بيحسن النمو، أما الغمر أحيانًا بيؤدي لزيادة أو نقص المياه حسب التربة.

-نوع التربة المناسب

التنقيط مناسب جدًا للأراضي الرملية والخفيفة، بينما الغمر بيستخدم بشكل أكبر في الأراضي الثقيلة والطينية.

-التكلفة

التنقيط تكلفته أعلى في البداية بسبب الشبكة والتركيب، لكن بيوفر على المدى الطويل، أما الغمر أقل تكلفة في التنفيذ لكنه ممكن يزود المصاريف مع الوقت.

-تأثير على الأمراض

الغمر بيزود الرطوبة في التربة، وده ممكن يساعد على انتشار بعض الأمراض، بينما التنقيط بيقلل من المشكلة دي.
 

طب إمتى تختار كل نظام..؟

-اختار التنقيط

لو عندك أرض جديدة أو عايز توفر مياه وتتحكم بدقة في الري.

-اختار الغمر

لو الأرض طينية ومش متاح تركيب شبكة ري حديثة.

وأخيراً، مفيش نظام أفضل مطلقًا، لكن الاختيار الصح بيعتمد على ظروف أرضك وإمكانياتك، والتوازن هو مفتاح النجاح في الري.